 |
|
HISTORIKK
|
|
|
| Einar Nordaker (1897-1969)
kom frå Nedstrand i Ryfylke. I vaksen alder slo han seg ned
i Stavanger der han dreiv "Kledeshandel". Han var ivrig med
i Bondeungdomslaget i Stavanger. I forbindelse med folkedans
kom han og til å engasjere seg aktivt i det bunadsarbeidet -
ei blanding av vidareføring, gjenopptaking og nyskaping - som
gjekk føre seg i Rogaland i byrjinga av dette hundreåret. Det
var inga levande folkedraktbruk i fylket på denne tida, men
eit stort arbeide blei lagt ned for å skapa bunader på grunnlag
av enkle plagg og anna materiale.
|
 |
Hulda Garborg var ein stor
inspirator og autoritet i det folkelege kulturvernarbeidet frå
århundreskiftet og fram til ho døydde i 1934. På grunnlag av
dei norske folkevisene og den levande dansetradisjonen på Færøyane
skapa ho songdansen. I arbeidet med å samla kulturminner var
Bondeungdomslaget i Stavanger i 1908 svært aktive. Samstundes
med dette blei det sett i gong eit betydeleg bunadsarbeide i
Rogaland. Ved sida av Magnus Våge var Einar Nordaker den som
særleg vert framheve som ei av drivkreftene i dette arbeidet.
Einar Nordaker la særleg vekt på meir variasjonar i bunaden,
både i materiale og broderimotiv. Frå og med 1941 markedsførte
han - i eigen butikk - Rogalandsbunaden slik han hadde vidareført
og utvikla denne . Dette arbeidet ligg føre Nordaker Bunader
sine bunader og variasjonar. |
| Broderimotiva er laga med utgangspunkt
i eit sentralt mønster funne på gamle plagg som luer eller sjal.
Det er 7 ulike mønster, der mønstera har navn etter den staden
der originalplagget vart funne. Alle mønstra kan leverast i
fire forskjellige fargar; svart, blå, mørkeblå og grønn. Skjørtet
kan enten være drape eller damask. Vestane kan varierast både
i kvalitet og farge. |
| |
|
